2179.
विठ्ठल आमुचा निजांचा । सज्जन सोयरा जीवाचा ॥१॥
मायबाप चुलता बंधु । अवघा तुजशी संबंधु ॥धृपद॥
उभयकुळींसाक्ष । तू चि माझा मातुळपक्ष ॥२॥
समर्पीली काया । तुका म्हणे पंढरिराया ॥३॥

अर्थ :
विठ्ठला तुच आमचा जिवाचा सज्जन सोयरा आहेस. हे विठ्ठला तुच आमचा मायबाप चुलता बंधू आहेस आणि आमचे जे काही संबंध आहेत ते तुझ्याशीच आहेत. तुच माझ्या माता व पिता यांच्या उभय कुळाचा पक्ष आहे आणि या विषयी वेद ही साक्षी आहे. तुकाराम महाराज म्हणतात हे पंढरीराया ही माझी काया म्हणजे शरीर मी तुला समर्पित केले आहे.