14.
रुणझुण पायी वाजताती वाळे । दावी ती पाउले दयानिधी ॥१॥
जनक्र याचे घरी चाळूनिया गेले । दावी ती पा-उले दयानिधी ॥२॥
गजा धरिले नक्रे तेव्हा जे धांवले । दावी ती पाउले दयानिधी ॥३॥
वस्त्रहरणी ज्याते द्रौपदीने चिंतिले । दावी ती पाउले दयानिधी ॥४॥
देखोनिया ज्याते कौरव भ्याले । दावी ती पाउले दयानिधी ॥५॥
धर्म आणि भीष्म विदुरादिक धाले । दावी ती पाउले दयानिधी ॥६॥
स्वयंवराशी जाता शीळे उद्धरिले । दावी ती पाउले दयानिधी ॥७॥
नामा म्हणे ज्याते बळीने पूजिले । दावी ती पाउले दयानिधी ॥८॥