2149.
बहु वाटे भये । माझे उडी घाला दये ॥१॥
फासा गुंतलो लिगाडी । न चले बळ चरफडी ॥धृपद॥
कुंटित चि युक्ती । माझ्या जाल्या सर्व शक्ती ॥२॥
तुका म्हणे देवा । काममोहे केला गोवा ॥३॥

अर्थ :
देवा मला या प्रपंचाची फार भीती वाटते त्यामुळे माझ्यावर दया करा आणि माझ्या रक्षणासाठी तुम्ही उडी घाला. मी या उपाधीच्या पाशा मध्ये गुंतलो आहे तिथे माझे काहीच बळ चालत नाहीये त्यामुळे मी चरफडत आहे. माझी सर्व प्रकारची युक्ती आणि शक्ती खुंटीत झाली आहे. तुकाराम महाराज म्हणतात देवा मला काम आणि मोहाने विषयांमध्ये बांधून टाकले आहे.