3741.
वोळलीचा दोहू पान्हा । मज कान्हा सांगितला ॥१॥
घ्या जि हेंगे क्षीर हाती । निगुतीने वाढावे ॥धृपद॥
केले सांगितले काम । नव्हे धर्म सत्तेचा ॥२॥
तुका म्हणे नवे जुने । ऐसे कोणे सोसावे ॥३॥

अर्थ :
भक्तरूपि गाय ही प्रेमाचा पान्हा सोडून ज्ञानरूपी दूध देते. तीच्या स्तनांचे दूध काढा, असे कान्होबाने आम्हाला सांगितले आहे. सवंगड्यांनो, हे दूध तुम्ही तुमच्या हातात घ्या आणि निगुतिने ते वाढावा. कान्होबाने सांगितलेले काम मी केले आहे. हा माझा सत्ता धर्म नाही. तुकाराम महाराज म्हणतात, जूने टाकून नवे घ्यावे आणि होणारे त्रास कोणी सोसावे ?.