2456.
आपणा आपण पाहे विचारुनी विचारतां मनी देव तुंचीं ॥१॥
तूंचि देव असता फिरशी वनोवनीं । प्रगटली काहाणी बोलायासी ॥२॥
देहींचे देवळीं आत्माराम नांदे । भांबावला भक्त हिंडे सदा रानें ॥३॥
एका जनार्दने भ्रमाची गोष्टी । वायांचि शिणती होती कष्टी ॥४॥
२४५७ .
श्रमोनी वाउग्या बोलती चावटी 2457
श्रमोनी वाउग्या बोलती चावटी । परी हातवटी नये कोणा ॥१॥
ब्रह्माज्ञानी ऐसे मिरविती वरी । क्रोध तो अंतरी वसतसे ॥२॥
सर्वरुप देखे समचि सारिखें । द्वैत अद्वैत पारखें टाकूनिया ॥३॥
एका जनार्दनी ब्रह्माज्ञान बोली । सहजचि आली मज अंगी ॥४॥