2552.
आवडीची सलगी पूजा । विषम दुजा भाव तो ॥१॥
ऐसी उफराटी वर्मे । कळो भ्रमे न येती ॥धृपद॥
न लगे समाधान मोल । रुचती बोल प्रीतीचे ॥२॥
तुका म्हणे एका जीवे । सूत्र व्हावे गुंतले ॥३॥

अर्थ :
अतिशय सलगीने जवळीकतेणे वागणे ही देवाची आवडती पूजा असून विषमतेने भेदभाव मनात ठेवणे याचे देवाला दुःख वाटते. असे काही उरफाटे वर्म आहेत जे सामान्य जीवांना समजून येत नाहीत कळून येत नाहीत. देवाला कितीही मौल्यवान दागिने किंवा मोल वाहिले तरी ते त्याला लागत नाही व ते आवडतही नाही केवळ प्रेमाने हरी असे बोल जरी बोलले तरी ते त्याला आवडत असतात. तुकाराम महाराज म्हणतात हरी आणि जीवन हे एकाच सूत्रात गुंतून रहावे.