576.
गुरूवर्णन करिता बोले ।
सभा देखोनी मुलेबाळे ॥१॥
नाही भेटला सद्गुरू ।
लोकाचारे उपदेश करू ॥२॥
नाना मते सांगे गोष्टी ।
तत्त्वज्ञान बोले नेटी ॥३॥
परि अनुभवते बोल ।
तेथे राहिले सकळ ॥४॥
उपदेश करी जना ।
“गुरू न करी स्त्रीजना” ॥५॥
शूद्र अथवा स्त्रीविरहित जाती ।
जो मानी गुरूस्थिती ॥६॥
“तो जाणावा राक्षस ।
जो घेत स्त्रीउपदेश” ॥७॥
सभेमाजी ऐसे बोले ।
सभा देखोनी मिथ्या जळे ॥८॥
जेथे विकल्प तुटला ।
तेथे वर्णभेद मिथ्या बोला ॥९॥
बहिणी म्हणे ऐशा जना ।
स्वप्नी न करा संभाषणा ॥१०॥