1.
ॐ नमो शिवा आदि । कावडी घेतली खांदी ।
मिळाली संत मांदी । त्याचे चरणरेणु वंदी रे ॥१॥
शिवनाम शीतळ मुखी । सेवी पा कापडिया रे ।
दड दड दड दड दुडु दुडु दुडु दुडु ।
पळ सुटला कळीकाळा बापुडिया रे ॥२॥
गुरुलिंग जंगम । तेणे दाविला आगम ।
आधी व्याधि झाली सम । तेणे पावलो विश्राम रे ॥३॥
जवळी असता जगज्जीवन । का धांडोळीसी वन ।
एकाग्र करी मन । तेणे होईल समाधान रे ॥४॥
देहभाव तेथे विरे । ते साधने दिधले पुरे ।
बापरखुमादेवी वरे । विठ्ठलुरे विठ्ठलुरे विठ्ठलुरे ॥५॥