2140.
न संडावा ठाव । ऐसा निश्चयाचा भाव ॥१॥
आता पुरे पुन्हा यात्रा । हे चि सारूनि सर्वत्रा ॥धृपद॥
संनिधा चि सेवा । असो करुनिया देवा ॥२॥
आज्ञेच्या पाळणे । असे तुका संता म्हणे ॥३॥

अर्थ :
हे हरी तुझ्या ठिकाणी असलेला माझा दृढ भक्तीभाव, तो सोडू नये असा माझा निश्चय झाला आहे. आता जन्ममरणाची यात्रा पुन्हा पुन्हा घडणे हे पुरे झाले सर्व काम मी बाजूला सारुन केवळ एकच करणार आहे. मी केवळ देवाच्या सान्निध्यात राहून देवाची सेवा करणार आहे. तुकाराम महाराज म्हणतात मी संतांच्या आज्ञेचे सतत पालन करत राहीन.