3747.
देखिलासि माती खातां । दावियाने बांधी माता ॥१॥
जाळी घेउनि कांबळी काठी । गाई वळी वेणु पाठी ॥२॥
मोठें भावार्थाचें बळ । देव जाला त्याचे बाळ ॥३॥
तुका म्हणे भक्तांसाठीं। देव धांवे पाठोपाठी ॥४॥

अर्थ :
यशोदे ने कान्हाला माती खाताना पाहिले आणि म्हणून त्याला त्या मातेने दाव्याला बांधून ठेवले. कांबळं अन् काठी घेऊन कान्हा गाई राखत असे अन् वेणू वाजवत त्यांना परत घरी घेऊन येत असे. भक्तीभावाचे बळ इतके मोठे असते की प्रत्यक्ष देव स्वतः यशोदेचे बाळ बनून तिच्याकडे राहू लागला. तुकोबा म्हणतात, भक्तांसाठी देव त्यांच्यामागे धावत असतो.