3748.
हा गे माझे हाती । पाहा कवळ सांगाती ॥१॥
देवे दिला खातो भाग । कराल तर करा लाग ॥धृपद॥
धाले ऐसे पोट । वरी करूनिया बोभाट ॥२॥
तुका म्हणे घरी । मग कैंच्या या परी ॥३॥

अर्थ :
हा पहा, माझ्या हातात काल्याचा घास आहे. भगवंताने जो वाटा मला दिला, तो मी सेवन करत आहे. तुम्हालाही घास हवा असेल तर त्याच्या मागे धावा. माझे पोट या प्रकारे भरले आणि वर इतरांना वाटण्यासाठी मी बोभाटाहि करीत आहे. तुकाराम महाराज म्हणतात, अरे गोपालांनो, घरी बसून राहिलात तर या प्रकारचा (आनंददायी) भोजनाचे घास कसे बरे मिळणार ?