2.
आऊजी कुलकर्णी लेखक तये स्थळी ।
तयाचिये कुळी जन्म झाला ॥१॥
माता हे जानकी पिता आऊदेव ।
देवगाव नाव स्थळ त्यांचे ॥२॥
तयांचिये कुळी नाही जी संतान ।
करी जी संताना काही बाही ॥३॥
लक्षतीर्थी नित्य करुनिया स्नान ।
शिव-अनुष्ठान आरंभिले ॥४॥
कितेक दिवसात जाले स्वप्न तया ।
माझिया पितया आउजीसी ॥५॥
होईल संतान कन्या दोन पुत्र ।
ब्राह्मणे पवित्रे सांगितले ॥६॥
बहेणि म्हणे वरुषा येका मी उत्पन्न ।
नवमास पूर्ण कन्या जाले ॥७॥