2053.
देखोवेखी करिती गुरू । नाही ठाउका विचारु ॥१॥
वर्म ते न पडे ठायी । पांडुरंगाविण काही ॥धृपद॥
शिको कळा शिको येती । प्रेम नाही कोणा हाती ॥२॥
तुका म्हणे सार । भक्ती नेणती गव्हार ॥३॥

अर्थ :
एकमेकांचे पाहून हा गुरू श्रेष्ठ आहे तो गुरू श्रेष्ठ आहे असे पाहून गुरू करतात परंतु खरा विचार कोणता आहे हे कोणालाही कळत नाही. पांडुरंगा विन खरे परमार्थाचे वर्म कोणालाही कळणार नाही. अनेक प्रकारच्या कला या शिक्षणातून घेता येतात परंतु खरे प्रेम कसे निर्माण करावे ते कसे असते हे शिकवणे कोणाच्याही हातात नाही. तुकाराम महाराज म्हणतात जे मूर्ख गवार लोक आहेत त्यांना सर्व साराचे हे सार म्हणजे भक्ती आहे व ती भक्ती कशी करावी हेच समजत नाही.