256.
संसारी निधान लाधले जना । सद्‌गुरुचरणा सेवी बापा ॥1॥
कायावाचामने तयास देवावी । वस्तु मागून घ्यावी अगोचर ॥2॥
ते गोचर नव्हे जाण गुरुकृपेवीण । एर्‍हवी ते आपणा माजी आहे ॥3॥
असता सम्यक परि जना चुकामुक । भुलली निष्‍टंक मंत्रतंत्रे ॥4॥
माळ वेष्‍टण करी टापोर घेती शिरी । नेम अष्‍टोत्तरी करिताती ॥5॥
जो माळ करविता वाचेसि वदविता । तया ह्रुदयस्था नेणे कोणी ॥6॥
सोहं आत्मा प्रगट जो दाखवी वाट । सद्रुरुवरिष्‍ठ तोचि जाणा ॥7॥
तया उत्तीर्णता व्हावया पदार्था । न देखो सर्वथा जनी म्हणे ॥8॥