3722.
कृष्ण गोकुळी जन्मला । दुष्टा चळकाप सुटला ॥१॥
होता कृष्णाचा अवतार । आनंद करिती घरोघर ॥धृपद॥
सदा नाम वाचे । गाती प्रेमे आनंदे नाचती ॥२॥
तुका म्हणे हरती दोष । आनंदाने करिती घोष ॥३॥

अर्थ :
कृष्ण गोकुळात जन्माला आहे, हे ऐकून दृष्ट कंसाला चळकाप सुटला. कृष्णनाचा अवतार झाला आणि सर्व लोक आनंदी झाले. ते सारखे मुखाने त्याचे नांव घेऊ लागले व आनंदाने नाचू लागले. तुकाराम महाराज म्हणतात, आनंदाने कृष्णचे नामघोष केल्याने सर्व दोष नाहीस होतात.