899.
करावे सार्थक रखुमाईने तेव्हा | आरंभिली सेवा अश्वत्थाची ॥१॥
जाणोनी पै देवे उग्र अनुष्ठान | तेथे जाले येणे श्रीपादाचे ॥२॥
देखोनि सत्पात्र केला नमस्कार | सारांश उत्तर बोलियेले ॥३॥
पुत्रवती होई दिधला आसीर्वाद | रखुमाईसी विनोद वाटियेला ॥४॥
माते तू हाससी श्रीपाद पुसती | स्वामी पुत्र कैसे होती पतीविण ॥५॥
भ्रतारे जाऊनी घेतला संन्यास | स्वामीने वचनास नलगे बोल ॥६॥
पुसता खाणखूण निश्चयो बाणला | श्रीपाद बोलिला सत्य सत्य ॥७॥
रखुमाईसी पुसे असे तुझे कोणी | येरी कर जोडोनी बोलीयेली ॥८॥