2099.
वाहवितो पुरी । आता उचित ते करी ॥१॥
माझी शक्ती नारायणा । कीव भाकावी करुणा ॥धृपद॥
आम्हा ओढी काळ । तुझे क्षीण झाले बळ ॥२॥
तुका म्हणे गोडी । जीवा मातेचिया ओढी ॥३॥

अर्थ :
देवा मी या संसाराच्या पुरामध्ये वाहत चाललो आहे. त्यामुळे माझे उचित कशात आहे ते तू कर. हे नारायणा माझी शक्ती म्हणजे तुला काकुलतेला येऊन करुणा भाकावी एवढीच. अरे देवा आम्हाला काळ ओढीत आहे तरीही तू आमची मदत का करत नाहीस का तुझे बळ ‍ क्षीण झाले आहे. तुकाराम महाराज म्हणतात बालकाची गोडी मातेला त्याच्याकडे आकर्षित करत असते त्याप्रमाणे तुम्हालाही माझी गोडी माझ्या कडे आकर्षित करेल व त्यानिमित्ताने माझ्या सर्व इच्छा पूर्ण होतील.