2098.
उचिताचा दाता । कृपावंता तू अनंता ॥१॥
का रे न घालिसी धाव । तुझे उच्चारिता नांव ॥धृपद॥
काय बळयुक्ती । नाही तुझे अंगी शक्ती ॥२॥
तुका म्हणे तू विश्वंभर । ओस माझे का अंतर ॥३॥

अर्थ :
हे कृपावंत अनंता तु भक्तांना उचित दान देणारा दाता आहेस. अरे मग तुझे नांव आम्ही उच्चार केले असता तु आमच्याकडे धाव का बर घेत नाही. माझी इच्छा पूर्ण करण्यास तुझ्या अंगी बळ नाही किंवा युक्ती व शक्ती नाही. तुकाराम महाराज म्हणतात देवा अनंता तु विश्वंभर आहे सर्व विश्व व्यापक आहे तर मग माझे अंतकरण तुझ्या वाचून ओस का पडले आहे.