218.
करोत तपादि साधने । कोणी साधो गोरांजने ॥१॥
आम्ही न वजो तया वाटा । नाचूं पंढरीचोहटा ॥धृपद॥
पावोत आत्मिस्थिति । कोणी म्हणोत उत्तम मुक्ति ॥२॥
तुका म्हणे छंद । आम्हा हरीच्या दासा निंद्य ॥३॥

अर्थ :
परमेश्वराची प्राप्ती होण्यासाठी कोणी तपच्यर्‍या करतो, तर कोणी देह अग्नीला अर्पण करतो. आम्ही मात्र त्या वाटेला जाणार नाही ; तर पंढरीच्या वाटेवर भक्तीने, श्रध्देने नाचत जाऊ. कोणाला आत्मस्थिति प्राप्त होवो अथवा कुणाला मुक्ती मिळो. तुकाराम महाराज म्हणतात, हरिच्या नामस्मरणाशिवाय इतर छंद आम्हाला (हरिदासांना) वर्ज आहेत.