4014.
आड केले देवद्वार । व्यर्थ काय करकर ॥१॥
आता चला जाऊ घरा । नका करू उजगरा ॥धृपद॥
देवा लागलीसे निज । येथे उभ्या काय काज ॥२॥
राग येतो देवा । तुका म्हणे नेघे सेवा ॥३॥

अर्थ :
आता देवाचे द्वार लावले गेले आहे त्यामुळे व्यर्थ करकर करून काय उपयोग आहे? आता चला आपण घरी जाऊ व्यर्थ देवाला झोपेतून जागे करू नका. देवाला चांगलीच झोप लागलेली आहे मग येथे उभे राहून राहण्याचे काम आहे काय? तुकाराम महाराज म्हणतात आपण जर यावेळी देवाजवळ व्यर्थ बडबड केली तर देवाला राग येईल मग आपली सेवा तो घेणार नाही.