4013.
कळस वाहियेला शिरी । सहस्रनामे पूजा करी ॥१॥
पीक पिकले पिकले । घन दाटोनिया आले ॥धृपद॥
शेवटीचे दान । भागा आला नारायण ॥२॥
तुका म्हणे पोट । भरले वारला बोभाट ॥३॥

अर्थ :
देवा मी माझ्या मस्तकावर कलश आणला आहे आणि सहस्रनामांनी तुझी पूजा करीत आहे. माझे परमार्थ रुपी पीक चांगलेच पिकले आहे व ते घनदाट प्रमाणात पिकले आहे. नारायण आमच्या भाग्यात आला हे आमचे शेवटचे दान आहे. तुकाराम महाराज म्हणतात आता पोट भरले त्यामुळे सर्व प्रकारचे खटपटच निवारण झाले आहे.