3736.
माझे गडी कोण कोण । निवडा भिन्न यांतुनी ॥१॥
आपआपणामध्ये मिळो । एक खेळो एकाशी ॥धृपद॥
घाबरियांच्या मीडा काड्या । धाडा भ्याडा वळतिया ॥२॥
तुका म्हणे देवापाशी । विटाळशी नसावी ॥३॥

अर्थ :
येथे जमलेल्या खेळगाड्यांपैकी माझे गाड़ी कोण, ते निवडून वेगळे करा. आपण आपल्या स्वभावाशि जुळणारे एकत्र येवू व एकमेकांशि खेळु. जे जे भक्तिचा खेळ खेळायला घाबरतात, त्यांच्याशी काडीमोड करा, त्यांना खेळातून बाहेर काढ़ा. तूकाराम महाराज म्हणतात, देवाला भ्याडपणाचा विटाळ नको.