3737.
हेचि अनुवाद सदा सर्वकाळ । करुनिया गोपाळकाला सेवू ॥१॥
वोरसले कामधेनूचे दुभते । संपूर्ण आइते गगनभरी ॥धृपद॥
संत सनकादिक गोमट्या परवडी । विभाग आवडी इच्छेचिये ॥२॥
तुका म्हणे मधी घालू नारायण । मग नव्हे सीण कोणा खेळे ॥३॥

अर्थ :
एक गोपाळ म्हणतो, भगवंताच्या लिलेचा सदा अनुवाद करून आपण गोपाळ काल्याचे अनुवादन करू आपण गोपाळकाल्याचे सेवन करू. कृष्णरूपी कामधेनुचे सुखरुपी दूध साऱ्याना पुरेसे होईल ते त्रैलोक्यात पसरले आहे. सनकादिक संतांच्या चांगल्या पंक्तीने आपल्या इछ्येनुसार त्यांचा वाटा घ्यावा. तुकाराम महाराज म्हणतात, नारायणाला अंत:करणात स्थापित केले की कोणत्याही खेळाच्या योगाने दुःख होणार नाही.