1313.
घरधनि याणी केला गुरु |बाई मी आता काय करूं|असोनि नाहींसा संसारू | चमत्कार कृपेचा ॥१॥
धांवे पावे गे मेसाई येथे कोणाचे न चाले कांही |सत्यपण तुझे ठायी | तरी है नाहिसे करी गे ॥२॥
मंत्र घेतला जैसा | घरी संताचा बोळसा |बोस पडो हरिदासा | गेले नमत मागुते ॥३॥
काय सांगो याची रीती सोसे सोसे पाये चरणाप्रती |अवघे भांबडभूत होती | नाचताती आनंद ॥४॥
लौकिकांत गेली वाया एकाच्या एक पडती पाया |म्हणती ये गा पंढरिराया| ब्रह्मानंदे डुल्लता ॥५॥
भोळी सासू गोणाबाई | पांढरा स्फटिक व्याली पाही |त्याने जोडिला शेषशायी | काय राजाई करू म्हणे ॥६॥