2079.
नका धरू कोणी । राग वचनाचा मनी ॥१॥
येथे बहुतांचे हित । शुद्ध करोनि राखा चित्त ॥धृपद॥
नाही केली निंदा । आह्मी दुसिलेसे भेदा ॥२॥
तुका म्हणे मज । येणे विण काय काज ॥३॥

अर्थ :
मी बोललेल्या वाक्याचा कोणीही आपल्या मनामध्ये द्वेष नका धरू. माझ्या बोलण्याने खूप जणांची हित होणार आहे त्यामुळे सर्वांनी आपले चित्त शुद्ध करून माझ्या बोलण्याकडे लक्ष द्यावे. मी कोणाचीही निंदा केली नाही केवळ त्या मनुष्याच्या आतील जे विकार आहेत त्यांनाच मी दूषण दिले आहे. तुकाराम महाराज म्हणतात नाहीतर माझे या वाचून काही आडले आहे की काय?