2080.
काही जडभारी । पडता ते अवसरी ॥१॥
तुझे आठवावे पाय । आह्मी मोकलूनि धाय ॥धृपद॥
तहान पीडी भूक । शीत उष्ण वाटे दुःख ॥२॥
तुका म्हणे देहयोगे । वारंवार पीडिती भोगे ॥३॥

अर्थ :
देवा ज्या वेळी आमच्यावर काही भारी संकट पडते तेव्हा, त्यावेळी आम्ही धायमोकलून तुझ्या पायाची आठवण करू. कधी अति तहानेने, अति भुकेने, अति थंडीने, अति उष्णतेने दुख होते तेव्हा आम्ही, तुकाराम महाराज म्हणतात या देह योगामुळे आम्हाला विविध प्रकारचे पारबद्ध भोग भोगावे लागतात परंतु त्याही वेळी आम्ही तुझ्या पायाची आठवण करू.