4.
कन्यादान घडो हा अर्थ पाहोन ।
करावया लग्न द्विज आले ॥१॥
तव अकस्मात प्राक्तनासारिखा ।
सिऊराचा सखा येक आला ॥२॥
पूर्विल सोयरा लग्नाचा इच्छक ।
विवेक की ) पाठक रत्न नामी ॥३॥
लाउनी मागणे केले वाक्प्रदान ।
नेमुनिया लग्न संपादिले ॥४॥
तव बंधू जाला माझ्या पाठीवरी ।
अनुष्ठाना करी पूर्वीचिया ॥५॥
म्हणती हे सभाग्य बंधू पाठीवरी ।
जाला हे निर्धारी गुण इचा ॥६॥
बहेणि म्हणे णेसी जाली वर्षे तीन ।
त्यापुढे जे होणे तेही बोले ॥७॥