1016.
काय पुण्यराशी । गेल्या भेदूनि आकाशी ॥१॥
तुम्ही जालेति कृपाळ । माझा केला जी सांभाळ ॥धृपद॥
काय वोळले संचित । ऐसे नेणो अगणित ॥२॥
तुका म्हणे नेणे । काय केले नारायणे ॥३॥

अर्थ :
माझ्या पुण्याचा राशी आकाशाला भेदून गेले की काय हे मला काही कळत नाही. कारण तुम्ही संत जणांनी माझ्यावर कृपा करून करून माझा सांभाळ केला आहे. पूर्व पुण्याची संचित माझ्याकडे कसे ओढले हे मला काही कळत नाही. तुकाराम महाराज म्हणतात या संत जनांची भेट घडवून आणण्याकरता नारायणाने च माझ्यावर कृपा केली आहे की काय हे मला कळत नाही.