1017.
असे येथीचिया दिने । भाग्यहीन सकळा ॥१॥
भांडवल एवढे गाठी । नाम कंठी धरियेले ॥धृपद॥
आणिक ते दुजे काही । मज नाही यावरी ॥२॥
तुका म्हणे केला कोणे । एवढा नेणे लौकिक ॥३॥

अर्थ :
या परमार्थ विषयांमध्ये मी सर्वापेक्षा हीन आहे. माझ्याकडे माझे मुख्य भांडवल म्हणजे मी कंठामध्ये या हरीचे नाम धारण केलेले आहे. यापेक्षा दुसरे माझ्याजवळ काहीही नाही. तुकाराम महाराज म्हणतात माझ्याकडे फक्त हरिनामाचेच भांडवल आहे तरीही माझा एवढा लौकिक कसा झाला हे मला काही कळत नाही ?