1315.
माझे जड भारी । आता अवघे तुम्हावरी ॥१॥
जालो अंकित धंकिला । तुमचा मुकलो मागिला ॥धृपद॥
करितो जे काम । माझी सेवा तुझे नाम ॥२॥
तुका पाया लागे । काही नेदी ना न मगे ॥३॥

अर्थ :
माझा सर्व संकटाचा भार तुमच्यावर आहे. देवा मी तुमच्या दासाचा ही दास आहे त्यामुळे मी आता प्रपंचाच्या दुखायला ही मुकलो आहे. देवा मी एकच काम करतो ते म्हणजे तुझे नांव घेतो आणि हिच माझी सेवा आहे. तुकाराम महाराज म्हणतात देवा मी केवळ तुमच्या पायाला लागला आहे, या वाचून मी तुम्हाला काही देऊ शकत नाही आणि तुम्हाला काही मागणारही नाही.