981.
स्नानविधी केलिया भक्ती | नाममंत्राचिया आव्रुति |मग प्रत्यक्ष पूजिली मूर्ति | विठोबाची ॥१॥
धन्य धन्य तो देव ज्ञान | राजा निव्रुत्ति निधान |विठोजी आपण | भक्ता साह्ये ॥२॥
मग सकळहि भक्तमेळी | सहित वनमाळी |बैसले तये पाळी | इंद्रायणीचे ॥३॥
एकी केले स्तुतिस्तोत्रे | एक जपताती नाममंत्रे |एक गाताती वेदस्तोत्रे | विठोबासी ॥४॥
तव पुढारा झाला नारा | तो नामयाचा पुत्र सैरा | तो पुसतसे विचारा | नामयासी ॥५॥
ये संतसभेमाजी | राऊळ बैसले असे सहजी | याते पुसि जो का जी | कवण क्षेत्र म्हणोनी ॥६॥
उठिला नामा प्रेमे डुले | वंदिली विठ्ठल पाऊले | मग करद्वये जोडुनि बोले | साशंकित ॥७॥
नामा म्हणे पूर्णब्रह्म | ते कैसे सभासदी मन | ते बोलतसे परम | ज्ञानदेवा भाग्ये ॥८॥