231.
उदंड शहाणे होवोत तार्किक । परी न कळे अलौकिक महिमा कांही ॥१॥
उदंड वाचन जरी झाले साचे । परी महिमान ययाचे न कळे कांही ॥२॥
उदंड ब्रह्मज्ञान सांगताती गोष्टी । परी अनुभव क सवटी एका नाही ॥३॥
संतांचे उदंड घेताती सोंग । कामनेचा त्याग करिता न ये ॥४॥
उदंड वैराग्य दाखविती जन । परी वासना भोग त्या त्यागिता न ये ॥५॥
किर्तनी सांगती अनुभव गोष्टी । परि धन कांता दृष्टी त्याग नव्हे ॥६॥
चोखा म्हणे हे तो पोटाचे बांधले । म्हणोनी पांगिले घरोघरी ॥७॥