979.
महा ऊत्साव त्रयोदशी | केला त्या ज्ञानदेवासी |मग नामा म्हणे विठोबासी | चरण धरूनिया ॥१॥
समाधिसुख दिधले देवा | ज्ञानांजन आळंकापुरी ठेवा |आजानव्रुक्षी बीज वोल्हावा | या ज्ञानांजनासी ॥२॥
क्रुपा आली विठ्ठलासी | म्हणे ज्ञानदेवा परियेसी |तीर्थ भागीरथी अहर्निशी | तुज नित्य स्नानासि दिधलीसे ॥३॥
इंद्रायणी दक्षिणवाहिनी | भागीरथी मणिकर्णिका दोन्ही |इया मिळालिया त्रिसंगमी | पुण्यभूमि तुझिये ॥४॥
येथे जरी नित्य स्नान घडे | तरी नित्य वैकुंठवास जोडे |तुज नाही नाही रे कुवाडे | मी वाडे कोडे उभा असे ॥५॥
येथे हरिकथा नाम वाचे | जो उच्चारिल विठ्ठलाचे |तयासी पेणे वैकुंठीचे | दिधले साचे तिअक्षरी ॥६॥
आणिक ऐके रे ज्ञानराजा | जो या सिध्देश्वरी करील पूजा |तो अंतरंग सखा माझा | मुक्ति सहजा जाली त्यासी ॥७॥
नामा म्हणे ऐसे अंतरंग | कैसा वोळला पांडुरंग |ज्ञानदेवी समाधि सांग | हरिपाठ कीर्तने ॥८॥