2906.
आता कोठे धावे मन । तुझे चरण देखिलिया ॥१॥
भाग गेला सीण गेला । अवघा झाला आनंदु ॥धृपद॥
प्रेमरसे बैसली मिठी । आवडी लाठी मुखासी ॥२॥
तुका म्हणे आम्हा जोगे । विठ्ठल घोगे खरे माप ॥३॥

अर्थ :
देवा आता तुमचे चरण पाहिल्यानंतर माझे मन कोठे धाव घेईल ? तुमचे चरण दर्शन झाले त्यामुळे माझा सर्व भाग क्षीण गेला असून सर्वत्र आनंद झाला आहे. तुमचे प्रेमरसामुळे तुमच्या पायाला माझी मिठी बसली असून तुमचे नाम घेण्याची मोठी आवड माझ्या मुखाला लागली आहे. तुकाराम महाराज म्हणतात, आमच्या योग्यतेनुसार आमचे जोगेच विठ्ठलाचे खरे माप आमच्या पदरात पडले आहे.