378.
न मानावी चिंता । काही माझेविशी आता ॥१॥
ज्याणे लौकिक हा केला । तो हा निवारिता भला ॥धृपद॥
माझे इच्छे काय । होणार ते एके ठाय ॥२॥
सुखा आणि दुःखा । म्हणे वेगळा मी तुका ॥३॥

अर्थ :
लोकांना तुम्ही आता माझ्याविषयी काही चिंता करू नका. ज्याने हा ऐवढा लौकिक वाढविला आज तो सर्व संकटाचे निवारण करण्यास समर्थ आहे. माझ्या इच्छेप्रमाणे कोणते काम होणार आहे ? तुकाराम महाराज म्हणतात सुखे आणि दुखे यापेक्षा मी वेगळा आहे.