24.
चोखियाचे घरी चोखियाची कांता । सोयरा तत्वता नाम जीचे ॥१॥
बहु दिवस करी प्रपंच कारण । परि नव्हे संतान तिजलागी ॥२॥
बैसोनिया एकांती आठवी पंढरीराणा । म्हणे का वो नारायणा विसरलासी ॥३॥
आमुचीया कुळी नाही वो संतान । तेणे वाट शीण मना माझ्या ॥४॥
ऐकोनी पंढरीराव हांसलासे मनी । म्हणे ऐके रूक्मणी गोष्ट एक ॥५॥
चोखियाचे कांता चिंताक्रांत मनी । संसारी असोनी उदास वृत्ती ॥६॥
पोटी नाही मूल करी तळमळ । बंका म्हणे विठ्ठल काय करी ॥७॥