1374.
सकळ सत्ताधारी । व्हावे ऐसे काय हरी ॥१॥
परि या कृपेच्या वोरसे । कुढावया चेचि पिसे ॥धृपद॥
अंगे सर्वोत्तम । अवघा चि पूर्णकाम ॥२॥
तुका म्हणे दाता । तरि हा जीव दान देता ॥३॥

अर्थ :
हे हरी तू सर्वसत्ताधारी आहेस तरी तू असे का झालास ? देवाने प्रेमपान्हा सोडण्याऐवजी नुसताच कुढत बसलेला आहे. हा देव अंगाने सर्वोत्तम आहे, सर्व काम आहे, आत्मतृप्त आहे. तुकाराम महाराज म्हणतात जर हा दाता असता तरी आम्हाला जीवदान दिले असते.