1375.
कोणापाशी द्यावे माप । आपे आप राहिले ॥१॥
कासयाची भरोवरी । काय दुरी जवळी ॥धृपद॥
एके दाखविले दाहा । फाटा पाहा पुसून ॥२॥
तुका म्हणे सरले वोझे । आता माझे सकळ ॥३॥

अर्थ :
आता कोणाकडे संचित कर्माचा हिशोब द्यावा कारण सर्वकाही आपोआप क्षीण झालेले दिसते आहे. आता कशासाठी खटाटोप करायचा दूर काय आणि जवळ ते काय ? एकाच्या आकडे पुढे शून्य दाखविला तर दहाचा आकडा तयार होतो आणि एकाच्या आकड्या खालचा फाटा पुसला की दोन्ही शून्य होते. तुकाराम महाराज म्हणतात आता त्याचप्रमाणे माझे अहंमतेचे ओझे संपलेले आहे म्हणजे मी माझ्या देहाचा देहभाव नाहीसा केलेला आहे.