1957.
एक शेरा अन्ना चाड । येर वाउगी बडबड ॥१॥
का रे तृष्णा वाढविसी । बांधवूनि मोहपाशी ॥धृपद॥
ओठ हात तुझा जागा । येर सिणसी वाउगा ॥२॥
तुका म्हणे श्रम । एक विसरता राम ॥३॥

अर्थ :
एक शेर अन्नाचीच गरज प्रत्येक मनुष्याला रोजच्या दिवशी असते तेवढीच मिळण्याची खटपट करावी इतर कोणतेही व्यर्थ खटपट करू नये. अरे मग मनुष्या तु व्यर्थ मोहात गुंतून हाव का वाढवीत आहेस ? अरे तुला एकंदरीत साडेतीन हाताची जागा राहण्यासाठी पुष्कळ आहे मग तु वाडे बंगले बांधण्यात व्यर्थ शीन का करून घेतोस ? तुकाराम महाराज म्हणतात एका रामाला तु विसरलास तर मग बाकी जे काही तू करशील ते सर्व श्रमच आहे.