3985.
आली लळिताची वेळ । असा सावध सकळ ॥१॥
लाहो करा वेगी स्मरा । टाळी वाहुनि विश्वंभरा ॥धृपद॥
झालिया अवसान । न संपडती चरण ॥२॥
तुकयाबंधु म्हणे थोडे । अवधि उरली आहे पुढे ॥३॥

अर्थ :
आता तुमची फजितीची वेळ आलेली असून तुम्ही सर्वजण सावध राहा. विश्वंभराची प्राप्ती करुन घेण्यासाठी तुम्ही त्वरेने प्रयत्न करा आणि हाताने टाळी वाजवा. एकदा की तुमचा देह शक्तीहीन झाला तर नंतर त्याला हरीचे चरण सापडणार नाही. तुकाराम महाराजांचे बंधू कान्होबा म्हणतात, आता पुढे अगदी थोडासाच वेळ उरलेला आहे.