2008.
फळाची तो पोटी । घडे वियोगे ही भेटी ॥१॥
करावे चिंतन । सार ते चि आठवण ॥धृपद॥
चित्त चित्ता ग्वाही । उपचारे चाड नाही ॥२॥
तुका म्हणे देवा । पावे अंतरींची सेवा ॥३॥

अर्थ :
आम्हाला खऱ्या फळाचा योग तुमच्या वियोगात व तुमच्या विरहातच भेटते तुमच्या विरहात जास्त चांगले चिंतन होते. हा फळाचा योग म्हणजे चित्तात तुमचे सारभूत चिंतन करावे लागते हे घडते कि नाही याला माझे चित्त साक्षी आहे. असे चिंतन केले कि अन्य काहीही उपचार तुला अर्पण करायला गरजनाही. तुकाराम महाराज म्हणतात जी काही सेवा करायची ती मनोभावे करावी. तरच ती देवाला पोहचते.