833.
याती मतिहीन रूपे लीन दीन । आणीक अवगुण जाणोनिया ॥१॥
केला त्या विठ्ठले माझा अंगीकार । ऐसा हा विचार जाणोनिया ॥धृपद॥
जे काही करितो ते माझे स्वहित । आली हे प्रचित कळो चित्ता ॥२॥
जाले सुख जीवा आनंद अपार । परमानंदे भार घेतला माझा ॥३॥
तुका म्हणे यासी नामाचा अभिमान । म्हणोनि शरण तारी बळे ॥४॥

अर्थ :
हे देवा मि शुद्र जातीचा मतिमंद बुद्धिचा रूपाने कुरूप दीन लीन आहे. असे अनेक अवगुण माझ्या मध्ये आहेत. हे तुम्ही जाणता तरीही या विठ्ठलाने माझा अंगीकार केला. पांडुरंग जे काही करीत आहे त्यात माझे स्वहितच आहे आता याची खात्री मला आली आहे. या परमानदंने माझा भार आपल्या माथी घेतला आहे याचा मला अपार आनंद झाला आहे. तुकाराम महाराज म्हणतात माझ्या जिवाला याचे सुख वाटते आहे देवाला स्वःताच्या नावाचा अभिमान आहे त्याचे नामस्मरण जो कोणी करतो म्हणून तो शरनागताना तारतो.