3468.
(वाममार्गी शाक्तांचा निषेध शाक्ता वरील अभंग)
सांडुनिया पंढरीराव । कवणाते म्हणो देव ॥१॥
बहु लाज वाटे चित्ता । आणिकाते देव म्हणता ॥धृपद॥
सांडुनिया हिरा । कोणे वेचाव्या त्या गारा ॥२॥
तुका म्हणे हरीहर । ऐसी सांडुनिया धुर ॥३॥

अर्थ :
एका पंढरीरायाला सोडून मी दुसऱ्या कोणाला देव म्हणू ? पंढरीरायाला सोडून इतर कोणाला देव म्हणताना माझ्या चित्ताला खूप लाज वाटते. गारा जरी हिऱ्यासारख्या चमकत असल्या तरी हिरा सोडून कोण गारा वेचत बसणार आहे ? तुकाराम महाराज म्हणतात, हरी आणि हर या देवतांना सोडून इतर देवतांची पूजा कोण करेल ?