1231.
बहुता देऊनी अभयदाने ।
गौरविले आपल्या मने ।
घालूनी शांतीची आसने ।
ब्रम्हसाम्राज्यी बैसविले ॥१॥
ध्यानतन्मयाची छत्रे ।
माथा झळकती विचित्रे ।
अगाध कीर्तीची दिव्य वस्त्रे ।
प्रल्हादादिका समर्पिली ॥२॥
नारदा निर्लोभ वागेश्वरी ।
नामस्मरणाची वैखरी ।
देउनी दिव्य अळंकारी ।
दैवांदैत्यामाजी मिरविला ॥३॥
व्यासा वाल्मिका अगाध मती ।
देउनी वंदय केले त्रिजगती ।
जनक पृथु हे भूपती ।
आपुले पंगती बैसविले ॥४॥
अर्जुनादिकासी आपुले ।
ऐश्वर्य देउनी थोराविले ।
सांख्य सिध्दात उपदेशिले ।
रणी वागविले रथवारु ॥५॥
उध्दवा मैत्रेया कृपा वोगरिली ।
निजात्मज्ञाने तृप्ति केली ।
भक्त कृपाळु माउली ।
गौरविली निज बाळके ॥६॥
निळा नेणते निपटणे ।
काहीचि खाऊ जेऊ नेणे ।
वाढविले ते स्तनपाने ।
नामचिंतने आपुलिया ॥७॥