896.
मी हे ऐसे काय जाती । अवघड किती पाहाता ॥१॥
नाही होत उल्लंघन । नसता भिन्न दुसरे ॥धृपद॥
अंधाराने तेज नेले । दृष्टीखाले अंतर ॥२॥
तुका म्हणे सवे देव । घेता ठाव दावील ॥३॥

अर्थ :
खरे म्हणजे देहाला मी म्हणणे किती अवघड आहे ? खरे पहिले तर आपल्या वाचून म्हणजे आपल्या मूळस्वरूपा वाचून काहीच नाही पण उगाचच देहाच्या ठिकाणी मी पणा येतो. असे भासल्यामुळे काय होते तर देहाच्या ठिकाणी अहंकाराच अंधार वाढतो व त्यामुळे मूळ स्थितीचा प्रकाश नाहीसा होतो व आपली आत्म दृष्टी आंधळी होते. तुकाराम महाराज म्हणतात जर देवाने आपल्याला जवळ घेतले तर तो आपल्याला आपल्या आत्म्स्थितीचे स्थान तो नक्की दाखवील.