895.
सर्वरसी मीनले चित्त । अखंडित आनंदु ॥१॥
गोत पति विश्वंभरी । जाला हरी सोयरा ॥धृपद॥
वोळखी ते एका नावे । इतरवाव खंडणा ॥२॥
तुका म्हणे नावे रूपे । दुसरी पापे हरपली ॥३॥

अर्थ :
हरी रसात माझे मन रमले आहे त्यामुळे मला अखंड आंनद प्राप्त होतो. आमचे सर्व गोत्रज सर्व संबंधी हे हरिरूप झाले आहे. एक विथोबाचीच आम्हाला ओळख झाली आहे इतर विषयी आमची भावना नाहीशी झाली आहे. तुकाराम महाराज म्हणतात नांव व रूप हे एक प्रकारचे भ्रम आहे व त्यापासून पापच होते व आता ती पापे हरपली.