1916.
आनंदाच्या कोटी । साठवल्या आह्मां पोटी ॥१॥
प्रेम चालिला प्रवाहो । नामओघ लवलाहो ॥धृपद॥
अखंड खंडेना जीवन । राम कृष्ण नारायण ॥२॥
घडी अहक्य परत्र । तुका म्‍हणे समतीर ॥३॥

अर्थ :
आनंदाचे कोटी कोटी प्रकार आमच्या पोटामध्ये साठवलेले आहेत. कारण आमच्या मध्ये हरिनामाचा प्रवाह सारखा चालू आहे आणि मुखामध्ये हरीचे हरिनामाचा ओघ चांगलाच वाहत आहे. आमचे जीवन अखंड चालत आहे ते कधीही खंडत नाही आणि ते जीवन म्हणजे रामकृष्ण नारायण हे नाम आहे. तुकाराम महाराज म्हणतात हा रामकृष्ण नारायण नामाचा प्रवाह आमचा येहलोकात आणि परलोकात सारखाच वाहत आहे.