1510.
का हो आले नेणो भागा । पांडुरंगा माझिया ॥१॥
उफराटी तुम्हा चाली । क्रिया गेली सत्याची ॥धृपद॥
साक्षी हेंगे माझे मन । आर्त कोण होते ते ॥२॥
तुका म्हणे समर्थपणे । काय नेणे करीतसा ॥३॥

अर्थ :
हे पांडुरंगा तुम्ही याआधी सर्व संतांना भेट दिली परंतु माझ्याच बाबतीत असे का ? तुम्ही मला भेट का देत नाहीत देवा तुमची सत्याला धरून वागण्याची क्रिया संपली आहे की काय तुम्ही असे उरफाटे का वागतात ? देवा तुमची पूर्वीची वागणूक आणि भक्तांच्या भेटी विषय असलेली तळमळ याविषयी माझे मनच साक्षी आहे देवा. तुकाराम महाराज म्हणतात देवा तुम्ही समर्थ आहात म्हणजे तुम्ही काहीही करू शकता तुम्ही माझ्या विषय असे का वागत आहात तुमचे हे वागणे मला काहीच कळत नाही.