991.
पुष्पक विमानातळी |हरि उतरले भूतळी | तंव उदयो पूर्वमेळी | सूर्याचा जाला ॥१॥
धन्य धन्य प्रश्नोत्तर |धन्य धन्य ते तरूवर |धन्य ज्ञानदेव अवतार | तिन्ही देव प्रगटले ॥२॥
संत सनकादिक देव | आणि भक्त आले सर्व | स्नाने करूनिया भाव | हरिचरणी ठेविला ॥३॥
विलाप मांडियेला भक्ती | खंति करिती त्रिजगती | ज्ञानदेवासारिखी मूर्ती | न देखो म्हणती देवराया ॥४॥
देव म्हणती निव्रुत्ति |तू प्रत्यक्ष शिवमूर्ति |तारावया क्षिती | अवतार धरियेला ॥५॥
सोपाने घातले लोटांगण | मुक्ताया धरिले चरण | संत करिताती स्तवन | पांडुरंगरायाचे ॥६॥
मग संबोखोनिया हरी | सोपानदेवा धरिला करी | निव्रुत्ति मस्तकावरी | करकमळ हरि ठेवितसे ॥७॥
नारा विठा पुढे चाले | ऐसे इंद्रायणीस आले | सौंदडीव्रुक्षातळी बैसले | सपरिवारे सकळै भक्त ॥८॥
न्याहाळिती कांसवद्रुष्टी | ऐसा हरि चालत स्रुष्टी | नामा होतसे हिंपुटी | ज्ञानदेवाकारणे ॥९॥