3050.
अविद्येचे भ्रांतपण । मिथ्या दावी साच धन ॥१॥
तेथ गुंतती लिगाडा । तेणे पडे पायी खोडा ॥२॥
जन्ममाण भोंवरा । भ्रमे फिरसी निर्धारा ॥३॥
कळोनि का रे वेडा होसी । एका जनार्दनी न पाहसी ॥४॥
३०५१ .
संपत्ती देखोनि म्हणती माझे माझे 3051
संपत्ती देखोनि म्हणती माझे माझे । वागवितो वोझे खरा ऐसा ॥१॥
क्षणिक आयुष्य क्षणिक संपत्ती । न कळे तयाप्रती अंध जैसा ॥२॥
जाणार जाणार सर्व हे जाणार । हरिनाम सार जपे सदां ॥३॥
जनार्दनाचा एका सांगतसें मातु । धरी रे सांगातु वैष्णावांचा ॥४॥